My Guide Website?
Il-wirja tal- logħob tan-nar lejlet il- Festa Titulari tal-Imqabba din is-sena se tkompli tiżviluppa fuq diversi fronti u tibni fuq l-innovazzjonijiet li kienu introdotti fiha fl-aħħar snin biex tfakkar l-għaxar anniversarju mindu l-Għaqda tan-Nar Santa Marija rebħet Il-Kampjonat Dinji tal-Logħob tan-Nar, Caput Lucis.
Il-wirja ser tinkludi t-Torri tad-Dawl b' ħafna elementi uniċi ta' logħob tan-nar bħal stampi li jiffurmaw permezz tal-logħob tan-nar, disinji u forom diversi fl-ajru, u blalen li l-kulur tagħhom jinbidel jimxi flok f'daqqa; kollha sinkronizzati mal-mużika bi tlett sistemi kompjuterizzati, PyroDigit, Ten2 u FireOne. Se jkun hemm ukoll, kif jixraq, il-murtali tradizzjonali tal-beraq pront u tal-kulur u kaxxi infernali fi Gran Finale qabel wirja ta' logħob tan-nar tal-art li tibda mill-Pjazza tal-Parroċċa tal-Imqabba.
Mhux ta' min jitlef il-ħarqa f'lejlet il-festa ta' Santa Marija fl-Imqabba!