My Guide Website?
Il-Wirja Artistika bit-tema tal-Ġimgħa Mqaddsa hija wirja komposta minn xogħol varjat ta' artiġġjanat Malti relatat proprju mal-Ġimgħa l-Kbira.
Diversi dilettanti tal-Ġimgħa Mqaddsa li jipposedu materjal bħal pittura, fotografija, statwi u artiġġjanat ieħor jesebixxu dan il-materjal tant għal qalbom f'din il-wirja sabiex ix-xogħol jiġi apprezat mill-pubbliku li jżur iż-Żejtun u l-Każin tal-Banda Żejtun fil-jiem tal-festi tal-Ġimgħa l-Kbira u l-Għid.
Mas-snin din il-wirja dejjem baqgħet tikber u tisaħħaħ bil-materjal ta' livell għoli li jkun esebit fiha, apparti ix-xogħol ta' persuni dilettanti fil-wirja jiġi esebit ukoll materjal propjeta tal-Għaqda Banda Żejtun li jiġi ffinanzjat permezz ta' ġbir ta' fondi apposta li jsir matul is-sena kollha.